India Post GDS Recruitment 2026: 25,000ಕ್ಕೂ ಹೆಚ್ಚು ಹುದ್ದೆಗಳಿಗೆ ಅರ್ಜಿ, 10ನೇ ತರಗತಿ ಪಾಸಾದವರಿಗೆ ಅವಕಾಶ

India Post GDS Recruitment 2026: ಇಂಡಿಯಾ ಪೋಸ್ಟ್ GDS ನೇಮಕಾತಿ 2026: 25,000ಕ್ಕೂ ಹೆಚ್ಚು ಹುದ್ದೆಗಳಿಗೆ ಅರ್ಜಿ; ನಾಳೆಯಿಂದ ನೋಂದಣಿ ಆರಂಭ

ಬೆಂಗಳೂರು: 10ನೇ ತರಗತಿ ಪಾಸಾದ ಯುವಕ-ಯುವತಿಯರಿಗೆ ಕೇಂದ್ರ ಅಂಚೆ ಇಲಾಖೆಯಿಂದ ದೊಡ್ಡ ಅವಕಾಶ ಬಂದಿದೆ. ಗ್ರಾಮೀಣ ಢಾಕ್ ಸೇವಕ (GDS) ಹುದ್ದೆಗಳಿಗೆ ದೇಶಾದ್ಯಂತ 25,000ಕ್ಕೂ ಅಧಿಕ ಖಾಲಿ ಸ್ಥಾನಗಳಿಗೆ ಆನ್‌ಲೈನ್ ಅರ್ಜಿ ಆಹ್ವಾನಿಸಲಾಗಿದೆ.

ಲಿಖಿತ ಪರೀಕ್ಷೆ ಇಲ್ಲ. ಆಯ್ಕೆ SSLC ಅಂಕಗಳ ಮೆರಿಟ್ ಆಧಾರದ ಮೇಲೆ ನಡೆಯಲಿದೆ. ನೋಂದಣಿ ಪ್ರಕ್ರಿಯೆ ಆಗಸ್ಟ್ 31ರಿಂದ ಪ್ರಾರಂಭವಾಗಲಿದ್ದು, ಕರ್ನಾಟಕದ ಅಭ್ಯರ್ಥಿಗಳು ಕನ್ನಡ ಭಾಷೆ 10ನೇ ತರಗತಿಯವರೆಗೆ ಓದಿರುವುದು ಕಡ್ಡಾಯ.

ಅಧಿಸೂಚನೆ ಸಂಖ್ಯೆ 17-12/2026-GDS ದಿನಾಂಕ ಆಗಸ್ಟ್ 20, 2026. ಇದು GDS ಆನ್‌ಲೈನ್ ನೇಮಕಾತಿ ವೇಳಾಪಟ್ಟಿ-II (ಜುಲೈ-2026). ಹುದ್ದೆಗಳು ಶಾಖಾ ಅಂಚೆ ಪಾಲಕ (BPM), ಸಹಾಯಕ ಶಾಖಾ ಅಂಚೆ ಪಾಲಕ (ABPM) ಮತ್ತು ಢಾಕ್ ಸೇವಕ.

ವೃತ್ತ ಮತ್ತು ವಿಭಾಗವಾರು ಖಾಲಿ ಪಟ್ಟಿ ಅಧಿಕೃತ ಪೋರ್ಟಲ್‌ನಲ್ಲಿ ನೋಡಬಹುದು. ಕರ್ನಾಟಕ ವೃತ್ತದಲ್ಲಿ ಕೊಪ್ಪಳ ಸೇರಿದಂತೆ ಹಲವು ವಿಭಾಗಗಳಲ್ಲಿ ಹುದ್ದೆಗಳಿವೆ.

ನೇಮಕಾತಿ ವಿವರ ಮತ್ತು ಕೆಲಸದ ಸ್ವರೂಪ

GDS ಹುದ್ದೆ ಗ್ರಾಮೀಣ ಅಂಚೆ ಜಾಲದ ಬೆನ್ನೆಲುಬು. BPM ಗ್ರಾಮದ ಶಾಖಾ ಅಂಚೆ ಕಚೇರಿ ನಿರ್ವಹಿಸುತ್ತಾರೆ. ABPM ಮತ್ತು ಢಾಕ್ ಸೇವಕರು ಅಂಚೆ ವಿತರಣೆ, ಸ್ಟಾಂಪ್ ಮಾರಾಟ ಮತ್ತು ಇತರ ಸೇವೆಗಳಲ್ಲಿ ಸಹಾಯ ಮಾಡುತ್ತಾರೆ.

ಕೆಲಸ ಸಾಮಾನ್ಯವಾಗಿ ದಿನಕ್ಕೆ 4 ರಿಂದ 5 ಗಂಟೆ. BPM ಆಯ್ಕೆಯಾದವರು ಆ ಕಚೇರಿ ಇರುವ ಗ್ರಾಮದಲ್ಲೇ ವಾಸಿಸಬೇಕು ಮತ್ತು ಕಚೇರಿ ಸ್ಥಳವನ್ನು ಸ್ವಂತ ವೆಚ್ಚದಲ್ಲಿ ಒದಗಿಸಬೇಕು. ಇದು ಸಂಪೂರ್ಣ ಸಮಯದ ನೌಕರಿಯಲ್ಲದಿದ್ದರೂ ಸರ್ಕಾರಿ ಭತ್ಯೆ, ತುಟ್ಟಿಭತ್ಯೆ ಮತ್ತು ನಿರ್ಗಮನ ಸೌಲಭ್ಯ ಸಿಗುತ್ತದೆ.

BPMಗೆ TRCA ರೂ.12,000ರಿಂದ ರೂ.29,380. ABPM ಮತ್ತು ಢಾಕ್ ಸೇವಕರಿಗೆ ರೂ.10,000ರಿಂದ ರೂ.24,470. ನಿಯಮಾನುಸಾರ ವಾರ್ಷಿಕ 3 ಶೇಕಡಾ ಹೆಚ್ಚಳ, ಗ್ರ್ಯಾಚ್ಯುಟಿ ಮತ್ತು ಸೇವಾ ನಿರ್ಗಮನ ಯೋಜನೆ ಲಭ್ಯ.

ಯಾರು ಅರ್ಜಿ ಸಲ್ಲಿಸಬಹುದು?

ಶೈಕ್ಷಣಿಕ ಮತ್ತು ಭಾಷಾ ಅರ್ಹತೆ

ಮಾನ್ಯತೆ ಪಡೆದ ಮಂಡಳಿಯ 10ನೇ ತರಗತಿ ಪಾಸ್ ಇರಬೇಕು. ಗಣಿತ ಮತ್ತು ಇಂಗ್ಲಿಷ್‌ನಲ್ಲಿ ಪಾಸ್ ಅಂಕ ಕಡ್ಡಾಯ. ಅರ್ಜಿ ಸಲ್ಲಿಸುವ ರಾಜ್ಯದ ಸ್ಥಳೀಯ ಭಾಷೆಯನ್ನು 10ನೇ ತರಗತಿಯವರೆಗೆ ವಿಷಯವಾಗಿ ಓದಿರಬೇಕು. ಕರ್ನಾಟಕ ಹುದ್ದೆಗಳಿಗೆ ಕನ್ನಡ ಅಗತ್ಯ. ಕಂಪ್ಯೂಟರ್ ಜ್ಞಾನ ಮತ್ತು ಸೈಕಲ್ ಅಥವಾ ದ್ವಿಚಕ್ರ ವಾಹನ ಚಲಾಯಿಸುವ ಸಾಮರ್ಥ್ಯ ಬೇಕು. ಇವುಗಳಿಗೆ ಘೋಷಣೆ ನೀಡಬೇಕು.

ವಯೋಮಿತಿ ಮತ್ತು ಸಡಿಲಿಕೆ

ಅರ್ಜಿ ಸಲ್ಲಿಕೆಯ ಕೊನೆಯ ದಿನಾಂಕಕ್ಕೆ ಕನಿಷ್ಠ 18, ಗರಿಷ್ಠ 40 ವರ್ಷ. OBCಗೆ 3 ವರ್ಷ, SC/STಗೆ 5 ವರ್ಷ ಸಡಿಲಿಕೆ. PwBD (ಸಾಮಾನ್ಯ/EWS)ಗೆ 10 ವರ್ಷ, PwBD+OBCಗೆ 13 ವರ್ಷ, PwBD+SC/STಗೆ 15 ವರ್ಷ. EWSಗೆ ಪ್ರತ್ಯೇಕ ವಯೋಮಿತಿ ಸಡಿಲಿಕೆ ಇಲ್ಲ.

ಅರ್ಜಿ ಶುಲ್ಕ

UR, OBC ಮತ್ತು EWS ಪುರುಷ ಅಭ್ಯರ್ಥಿಗಳು ರೂ.100 ಪಾವತಿಸಬೇಕು. ಎಲ್ಲಾ ಮಹಿಳೆಯರು, SC/ST, PwBD ಮತ್ತು ಟ್ರಾನ್ಸ್‌ವುಮನ್ ಅಭ್ಯರ್ಥಿಗಳಿಗೆ ಶುಲ್ಕ ಉಚಿತ. ಪಾವತಿ ಕ್ರೆಡಿಟ್/ಡೆಬಿಟ್ ಕಾರ್ಡ್, ನೆಟ್ ಬ್ಯಾಂಕಿಂಗ್ ಅಥವಾ UPI ಮೂಲಕ ಮಾತ್ರ. ಶುಲ್ಕ ಹಿಂತಿರುಗುವುದಿಲ್ಲ.

ಆಯ್ಕೆ ಹೇಗೆ ನಡೆಯುತ್ತದೆ?

ಪರೀಕ್ಷೆ ಇಲ್ಲ. 10ನೇ ತರಗತಿ ಅಂಕಗಳನ್ನು ಶೇಕಡಾವಾರುಗೆ ಪರಿವರ್ತಿಸಿ ಸಿಸ್ಟಂ ಮೆರಿಟ್ ಪಟ್ಟಿ ತಯಾರಿಸುತ್ತದೆ. ಸಮಾನ ಅಂಕ ಬಂದರೆ ವಯಸ್ಸಿನಲ್ಲಿ ಹಿರಿಯರಿಗೆ ಆದ್ಯತೆ. ಶಾರ್ಟ್‌ಲಿಸ್ಟ್ ಆದವರಿಗೆ SMS/ಇಮೇಲ್ ಬರುತ್ತದೆ.

15 ದಿನಗಳೊಳಗೆ ಮೂಲ ದಾಖಲೆ ಪರಿಶೀಲನೆ. ಸರ್ಕಾರಿ ಆಸ್ಪತ್ರೆಯ ವೈದ್ಯಕೀಯ ಫಿಟ್‌ನೆಸ್ ಪ್ರಮಾಣಪತ್ರ ಬೇಕು. ತಾತ್ಕಾಲಿಕ ನೇಮಕಾತಿ ನಂತರ 30 ದಿನಗಳೊಳಗೆ 3 ದಿನಗಳ ತರಬೇತಿ ಸೇರಿ ಕೆಲಸಕ್ಕೆ ಹಾಜರಾಗಬೇಕು.

ಪ್ರಮುಖ ದಿನಾಂಕಗಳು

• ಒನ್-ಟೈಮ್ ನೋಂದಣಿ (OTR): ಆಗಸ್ಟ್ 31, 2026ರಿಂದ ಸೆಪ್ಟೆಂಬರ್ 19, 2026 ಸಂಜೆ 5 ಗಂಟೆ.
• ಆನ್‌ಲೈನ್ ಅರ್ಜಿ ಮತ್ತು ಶುಲ್ಕ: ಸೆಪ್ಟೆಂಬರ್ 2, 2026ರಿಂದ ಸೆಪ್ಟೆಂಬರ್ 21, 2026 ಸಂಜೆ 5 ಗಂಟೆ.
• ತಿದ್ದುಪಡಿ ವಿಂಡೋ: ಸೆಪ್ಟೆಂಬರ್ 23 ಮತ್ತು 24, 2026.
• ನೋಂದಣಿ ಮುಗಿದ ಮೇಲೆಯೇ ಅರ್ಜಿ ಸಲ್ಲಿಸಬಹುದು. ಕೊನೆಯ ದಿನ ಸರ್ವರ್ ದಟ್ಟಣೆ ಇರಬಹುದು. ಆದ್ಷ್ಟು ಬೇಗ ಅರ್ಜಿ ಹಾಕುವುದು ಒಳಿತು.

ಅರ್ಜಿ ಹೇಗೆ ಸಲ್ಲಿಸುವುದು?

ಕೇವಲ ಆನ್‌ಲೈನ್. ಬೇರೆ ಯಾವುದೇ ವಿಧಾನ ಸ್ವೀಕಾರಾರ್ಹವಲ್ಲ.

1. ಅಧಿಕೃತ ಸೈಟ್ ತೆರೆಯಿರಿ. ಮೊಬೈಲ್ ಮತ್ತು ಇಮೇಲ್ OTP ಮೂಲಕ OTR ಮಾಡಿ. ನೋಂದಣಿ ಸಂಖ್ಯೆ ಪಡೆಯಿರಿ.

2. ಲಾಗಿನ್ ಮಾಡಿ 10ನೇ ತರಗತಿ ಅಂಕ, ವೃತ್ತ, ವಿಭಾಗ ಮತ್ತು ಹುದ್ದೆ ಆದ್ಯತೆ ನಮೂದಿಸಿ.

3. ಭಾವಚಿತ್ರ (ಸುಮಾರು 30–100 KB) ಮತ್ತು ಸಹಿ ಅಪ್‌ಲೋಡ್ ಮಾಡಿ.

4. ಅನ್ವಯಿಸುವ ಶುಲ್ಕ ಪಾವತಿಸಿ Submit ಮಾಡಿ. ಪ್ರಿಂಟ್ ತೆಗೆದುಕೊಳ್ಳಿ.

ಅರ್ಜಿ ಹಂತದಲ್ಲಿ ಜಾತಿ/ಅಂಕಪಟ್ಟಿ ಅಪ್‌ಲೋಡ್ ಬೇಕಿಲ್ಲ. ಆಯ್ಕೆಯಾದ ನಂತರ ಮೂಲ ದಾಖಲೆ ತೋರಿಸಬೇಕು. ಡಿಜಿಲಾಕರ್‌ನಲ್ಲಿ ಅಂಕಪಟ್ಟಿ ಇಟ್ಟುಕೊಳ್ಳುವುದು ಸುಲಭ.

ಅರ್ಜಿ ಲಿಂಕ್: ಇಲ್ಲಿ ಕ್ಲಿಕ್ ಮಾಡಿ 

ನೋಟಿಫಿಕೇಷನ್ PDF: https://indiapost.gov.in/gdsonlineengagement/pdf/descriptive-notification.pdf

ಅಧಿಕೃತ ವೆಬ್‌ಸೈಟ್: https://www.indiapost.gov.in

ಅನಧಿಕೃತ ಏಜೆಂಟ್ ಅಥವಾ ವಾಟ್ಸ್‌ಆ್ಯಪ್ ಲಿಂಕ್‌ಗೆ ಹಣ ಕಳುಹಿಸಬೇಡಿ. ಇಲಾಖೆ @indiapost.gov.in ಅಥವಾ @indiapostgdsonline.gov.in ಇಮೇಲ್‌ನಿಂದ ಮಾತ್ರ ಸಂಪರ್ಕಿಸುತ್ತದೆ.

ಗ್ರಾಮದಲ್ಲೇ ಉದ್ಯೋಗ ಬೇಕಾದವರಿಗೆ ಇದು ವಾರ್ಷಿಕ ಅಪರೂಪದ ಅವಕಾಶ. ವಿಭಾಗವಾರು ಹುದ್ದೆ ನೋಡಿ, ಭಾಷಾ ಅರ್ಹತೆ ಖಚಿತಪಡಿಸಿಕೊಂಡು ನಾಳೆಯಿಂದಲೇ ನೋಂದಣಿ ಮಾಡಿ.