ರೇಷನ್ ಕಾರ್ಡ್ ಇ-ಕೆವೈಸಿ: ಈ ಕೆಲಸ ಮಾಡದಿದ್ದರೆ ಮುಂದಿನ ತಿಂಗಳಿನಿಂದ ಪಡಿತರ ನಿಲ್ಲಬಹುದು | Ration Card e-KYC
ಕರ್ನಾಟಕ ಸರ್ಕಾರವು ರೇಷನ್ ಕಾರ್ಡ್ ಹೊಂದಿರುವ ಎಲ್ಲಾ ಕುಟುಂಬಗಳಿಗೆ ಮಹತ್ವದ ಸೂಚನೆ ನೀಡಿದೆ.
ಬಿಪಿಎಲ್, ಎಪಿಎಲ್ ಅಥವಾ ಅಂತ್ಯೋದಯ ಯಾವುದೇ ಕಾರ್ಡ್ ಇರಲಿ, ರೇಷನ್ ಕಾರ್ಡ್ನಲ್ಲಿ ಹೆಸರಿರುವ ಪ್ರತಿಯೊಬ್ಬ ಸದಸ್ಯರೂ ಕಡ್ಡಾಯವಾಗಿ ಇ-ಕೆವೈಸಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕು.
ಇಲ್ಲದಿದ್ದರೆ ಮುಂದಿನ ತಿಂಗಳಿನಿಂದ ಪಡಿತರ ಕಟ್ ಆಗುವ ಅಥವಾ ಹೆಸರು ತೆಗೆದುಹಾಕುವ ಸಾಧ್ಯತೆ ಇದೆ.
ಇ-ಕೆವೈಸಿ ಎಂದರೇನು? ಯಾಕೆ ಕಡ್ಡಾಯ?
ಇ-ಕೆವೈಸಿ ಅಂದರೆ ಎಲೆಕ್ಟ್ರಾನಿಕ್ ನೋ ಯುವರ್ ಕಸ್ಟಮರ್. ರೇಷನ್ ಕಾರ್ಡ್ನಲ್ಲಿರುವ ವ್ಯಕ್ತಿ ನಿಜವಾದ ಫಲಾನುಭವಿಯೇ ಎಂದು ಡಿಜಿಟಲ್ ಆಗಿ ದೃಢೀಕರಿಸುವ ಪ್ರಕ್ರಿಯೆ ಇದು.
ಸರ್ಕಾರ ನೀಡುವ ಪಡಿತರ ಅನರ್ಹರಿಗೆ ಹೋಗದೆ ಅರ್ಹರಿಗೆ ಮಾತ್ರ ತಲುಪುವುದನ್ನು ಖಚಿತಪಡಿಸುವುದೇ ಇದರ ಉದ್ದೇಶ.
ಇ-ಕೆವೈಸಿ ಮಾಡದಿದ್ದರೆ ಹೆಸರನ್ನು ಕಾರ್ಡ್ನಿಂದ ತೆಗೆದುಹಾಕುವುದು, ಕಾರ್ಡ್ ರದ್ದು ಮಾಡುವುದು ಅಥವಾ ಪಡಿತರ ಹಾಗೂ ಇತರ ಸೌಲಭ್ಯಗಳನ್ನು ತಡೆಹಿಡಿಯುವ ಸಾಧ್ಯತೆ ಇದೆ. ಆದ್ದರಿಂದ ಈ ಪ್ರಕ್ರಿಯೆಯನ್ನು ತಡಮಾಡಬೇಡಿ.
ಕುಟುಂಬದ ಎಲ್ಲಾ ಸದಸ್ಯರೂ ಮಾಡಬೇಕು.?
ಕಾರ್ಡ್ನಲ್ಲಿ ನಾಲ್ಕು ಜನರಿದ್ದರೆ ನಾಲ್ಕೂ ಜನರು ಪ್ರತ್ಯೇಕವಾಗಿ ಮುಖ ದೃಢೀಕರಣ ಮಾಡಬೇಕು. ಕುಟುಂಬ ಯಜಮಾನಿ ಮಾತ್ರ ಮಾಡಿದರೆ ಸಾಲದು. ಬಿಪಿಎಲ್, ಎಪಿಎಲ್, ಅಂತ್ಯೋದಯ ಎಲ್ಲಾ ವಿಧದ ಕಾರ್ಡ್ಗಳಿಗೂ ಇದು ಅನ್ವಯವಾಗುತ್ತದೆ.
ಮೊಬೈಲ್ನಲ್ಲೇ ಸುಲಭವಾಗಿ ಮಾಡುವುದು ಹೇಗೆ?
ರಜೆ ಹಾಕಿ ಸೇವಾ ಕೇಂದ್ರಕ್ಕೆ ಹೋಗುವ ಅಗತ್ಯವಿಲ್ಲ. ಸ್ಮಾರ್ಟ್ಫೋನ್, ಇಂಟರ್ನೆಟ್, ಆಧಾರ್ಗೆ ಲಿಂಕ್ ಆದ ಮೊಬೈಲ್ ನಂಬರ್ ಮತ್ತು ಸ್ಪಷ್ಟ ಮುಖ ಇದ್ದರೆ ಸಾಕು.
ಆಪ್ಗಳನ್ನು ಡೌನ್ಲೋಡ್ ಮಾಡಿ:
ಪ್ಲೇ ಸ್ಟೋರ್ ಅಥವಾ ಆಪ್ ಸ್ಟೋರ್ನಿಂದ ‘Mera eKYC’ (ಅಥವಾ ಮೇರಾ ರೇಷನ್) ಮತ್ತು ‘Aadhaar FaceRD’ ಎಂಬ ಎರಡು ಅಧಿಕೃತ ಆಪ್ಗಳನ್ನು ಇನ್ಸ್ಟಾಲ್ ಮಾಡಿ.
ಹಂತಗಳು:
1. Mera eKYC ಆಪ್ ತೆರೆಯಿರಿ. ಭಾಷೆ ಆಯ್ಕೆ ಮಾಡಿ, ರಾಜ್ಯಗಳ ಪಟ್ಟಿಯಲ್ಲಿ ಕರ್ನಾಟಕ ಸೆಲೆಕ್ಟ್ ಮಾಡಿ.
2. ರೇಷನ್ ಕಾರ್ಡ್ ಸಂಖ್ಯೆ ನಮೂದಿಸಿ Search ಅಥವಾ Continue ಒತ್ತಿ.
3. ಕಾರ್ಡ್ನಲ್ಲಿರುವ ಎಲ್ಲಾ ಸದಸ್ಯರ ಹೆಸರು ಮತ್ತು ಕೆವೈಸಿ ಸ್ಥಿತಿ ಕಾಣಿಸುತ್ತದೆ.
4. ಇ-ಕೆವೈಸಿ ಬಾಕಿ ಇರುವ ಸದಸ್ಯರ ಪ್ರೊಫೈಲ್ ಮೇಲೆ ಕ್ಲಿಕ್ ಮಾಡಿ ‘Face Authentication’ ಆಯ್ಕೆ ಮಾಡಿ.
5. Aadhaar FaceRD ಆಪ್ ತಾನಾಗಿಯೇ ತೆರೆಯುತ್ತದೆ. ಕ್ಯಾಮೆರಾ ಆನ್ ಆಗುತ್ತದೆ.
6. ಬೆಳಕಿರುವ ಸ್ಥಳದಲ್ಲಿ ನಿಂತು ಕ್ಯಾಮೆರಾವನ್ನು ನೇರವಾಗಿ ನೋಡಿ. ಮೊಬೈಲ್ ಸ್ಥಿರವಾಗಿ ಹಿಡಿಯಿರಿ.
7. ಸ್ಕ್ಯಾನ್ ಯಶಸ್ವಿಯಾದರೆ ‘eKYC Successful’ ಸಂದೇಶ ಬರುತ್ತದೆ.
ಇದೇ ರೀತಿ ಉಳಿದ ಸದಸ್ಯರಿಗೂ ಪ್ರತ್ಯೇಕವಾಗಿ ಮಾಡಿ.
Mera eKYC: Link: ಇಲ್ಲಿ ಕ್ಲಿಕ್ ಮಾಡಿ
Aadhaar FaceRD ಆಪ್: ಇಲ್ಲಿ ಕ್ಲಿಕ್ ಮಾಡಿ
ಆಹಾರ website Link: ಇಲ್ಲಿ ಕ್ಲಿಕ್ ಮಾಡಿ
ಸ್ಕ್ಯಾನ್ ವಿಫಲವಾದರೆ ಏನು ಮಾಡಬೇಕು?
ಕಡಿಮೆ ಬೆಳಕು, ಸನ್ಗ್ಲಾಸ್ ಅಥವಾ ಟೋಪಿ, ಕ್ಯಾಮೆರಾ ಲೆನ್ಸ್ನಲ್ಲಿ ಧೂಳು, ಹಳೆಯ ಆಪ್ ವರ್ಷನ್ ಇವು ಮುಖ್ಯ ಕಾರಣಗಳು. ಮುಖದ ಮೇಲೆ ಯಾವುದೇ ವಸ್ತು ಇಲ್ಲದಂತೆ ನೋಡಿ. ಆಪ್ ಅಪ್ಡೇಟ್ ಮಾಡಿ ಮತ್ತೆ ಪ್ರಯತ್ನಿಸಿ.
ಸೈಬರ್ ವಂಚನೆ ಬಗ್ಗೆ ಎಚ್ಚರಿಕೆ.?
ಇ-ಕೆವೈಸಿ ಮಾಡಿಕೊಡುತ್ತೇವೆಂದು ಯಾರಾದರೂ ಕರೆ ಮಾಡಿ OTP ಕೇಳಿದರೆ ಕೊಡಬೇಡಿ. ಆಧಾರ್ ಲಿಂಕ್ ನಂಬರ್ಗೆ ಬರುವ OTP ಅನ್ನು ಅಧಿಕೃತ ಆಪ್ನಲ್ಲೇ ನಮೂದಿಸಿ. ಯಾವುದೇ ಅಪರಿಚಿತರಿಗೆ ಮಾಹಿತಿ ಕೊಡಬೇಡಿ.
ಹೆಚ್ಚಿನ ಸಹಾಯಕ್ಕಾಗಿ
ತಾಂತ್ರಿಕ ಸಮಸ್ಯೆ ಇದ್ದರೆ ಹತ್ತಿರದ ನ್ಯಾಯಬೆಲೆ ಅಂಗಡಿ ಅಥವಾ ಆಹಾರ ಇಲಾಖೆ ಸಹಾಯ ಕೇಂದ್ರಕ್ಕೆ ಹೋಗಿ. ಹೆಚ್ಚಿನ ಮಾಹಿತಿಗಾಗಿ ಆಹಾರ ಇಲಾಖೆ ಹೆಲ್ಪ್ಲೈನ್ 1967ಗೆ ಕರೆ ಮಾಡಿ.
ಇ-ಕೆವೈಸಿ ಪೂರ್ಣಗೊಳಿಸುವುದರಿಂದ ಪಡಿತರ ನಿರಂತರವಾಗಿ ಸಿಗುತ್ತದೆ. ಎಲ್ಲಾ ಸದಸ್ಯರೂ ಈಗಲೇ ಪ್ರಕ್ರಿಯೆಯನ್ನು ಪೂರೈಸಿ. ಅಧಿಕೃತ ಆಪ್ಗಳನ್ನು ಮಾತ್ರ ಬಳಸಿ ಸುರಕ್ಷಿತವಾಗಿ ಪೂರ್ಣಗೊಳಿಸಿ.
ಗೃಹಲಕ್ಷ್ಮೀ ಯೋಜನೆ: 33ನೇ ಕಂತು ಜಮಾ ಪ್ರಕ್ರಿಯೆ ಆರಂಭ – ನಿಮ್ಮ ಖಾತೆಗೆ ಹಣ ಬಂದಿದೆಯೇ? ಹೇಗೆ ಪರಿಶೀಲಿಸುವುದು?